Pantun Gurauan Anak Minang

Lah Tamanuang kusia Bendi
Samanjak goojek lah banyak kiniko,,
Lah den cubo mancari ganti
Ganti tu bana nan indak ado,,

Jikok pandai bakain panjang.
Alah sarupo jo kain saruang.
Jikok pandai bainduak samang
Alah sarupo bainduak kanduang

Pantun Taragak Jo Kawan

"Malam mingngu malam sabtu,, 
panuah dek anak duo sejoli,,
dimano adiak manunggu,,
denai mananti lah dari tadi.. 

Haha..lai d tampek nn biaso batungguan diak"

"Padi di tanam si padi ladang
Urang batanam manjalang pagi
Alah panek mato mamandang
Bilo ka datang urang di nanti"
 
Jikok manumbuak sia kanampi..
Manampi sia ka maandang..
jikok duduak sia kadinanti..
Dinanti uda kadatang..

Sapanjang jalan nan di tampuah,
Disinan tumbuah rumput banto,
Ado raso datang marusuah,
Tantang parasaian cinto ambo.

Layang layang disemba buih.
Buih disemba layang pulo.
Kasiah sayang dicari buliah.
Tampek hati jarang basuo.

Indak alang indak balam
hinggk juo di dahan jati
Indak siang indak malam
Rindu manyeso dalam hati

Rami urang di padang panjang
Rami Mancalik panjek pinang
Kanduang bajanji datang maminang
Kini bajawek tangan urang

Indak sulik sasulik nanko
Bak cando manampuang aia jo embe tirih
Indak sakik sasakik nan ko
Bak raso kaputuih jatuang hati

Dari tabu mngkok ado gulo
Di buek urang nan dari solok
Kni rindu makin manggilo
Den ambik poto ka kawan lalok.

 
"Taraso ketek dunya nangko ,,
ko di tutuik saleba kuku..
Basobok baliak jo kawan lamo,,
lah batahun indak batamu..


Kawan kutiko mudo matah,,
kawan bagaluik samo gadang,,
takana maso bagarah..
Sampai kini indak ka hilang,,


maso bamain ka bukiktinggi,,
tingga kenangan di lubang japang,,
dek gilo mangaja mimpi 2,,
bapisah untuang surang surang,,


di lipua jajak nan tingga,,
disulam baju nan cabiak,,
dek ulah dunia maya..
Maso nan dulu tabayang baliak."


Simak juga pantun yang dikumpulkan Dunsanak Kito Rajo Tanjung