Pantun Muda Mudi Bahasa Minang

Pantun Muda Mudi Bahasa Minang

Dalimo tumbuah di Samak
Maraok bak cando rimbo
Tarimo Kasih Ambo Ucapkan Sanak
Alah Manarimo Parmintaan Ambo 

Buruang balam tabang ka rimbo
Tibo di rimbo Mangaja puyuah
Sambuiklah salam dari
Fauzi Chaniago dari Payokumbuah

Sap Ril Rajo Angek
Fauzi Chaniago
salamaik pagi sanak
salam dari ambo

dari jauah sanak lah bajalan
pasti latiah kaki raso malangkah
pintu kok basaok alah dibukaan
duduak lah sanak ateh rumah

rumah nyo kayu balantai papan
lapiak pandan nan kajadi aleh
molah kito saduduak jo saamparan
sambia bacarito baleh babaleh

salamaik bagabuang sanak
semoga sanak betah
tajalin arek tali silaturahmi basamo
**************
Lah den cobo marabahkan badan, 
badan rabah mato manyalang, 
takana sanak yang masih bagurau, 
bak raso ado di ranah minang

**************
Baru ba rubek ka lubuak gadang
Ubek kanai mato tajago
Dulu nyo ketek kini lah gadang
Mambuek denai jatuah cinto

Pantun Anak Mudo 

Kuciang kuruih makan di papan
Makan di papan si kayu jati
Badan kuruih bukan ndak makan
Tapi kuruih dek cinto basudahi

Batabek d tangah sawah
Tabek diisi ikan nila
Kasiah jo sayang baru tacurah
Adiak mangatokan salamaik tingga


Dima lah kaki ndak kaluko ,,,,
Samak ilalang nan ambo lalui ,,,,
Dima lah hati indak kataibo ,,,,,
Pamenan nan denai sayang nan lah pai ,,,,,


Pantun Bajawek

Rumah gadang bapaga kawek,
Tampak nan dari simpang tigo,
Lain kali kalau bacewek,
pasang duo kalau ndak tigo,

aman wak, ndk cameh bn kahilangan,

----->>>>>>>

Bungo mawar tajam durinyo...
jiko di pagang yo badarah hadinyo....
jan dicubo bacewek duo ju tigo...
jikok katauan sansaro badan di buek nyo.


------>>>>>
Sikok disangko barabah juo
Ikan sapek ketek giginxo
Kok sansaro duo jo tigo
Cari ka ampek ka gantinxo

Pantun Bagurau (Alias Bercanda)

Rumpuik sikajuik tmbuah manjelo
Kacang nan rimbun babuah indak
Antah kok ladang nan kurang tarang
Alah tatungkuik mangko  marabo
Usah mancaliak ka bawah tapak
Antah kok langkah talampau panjang
hahaa,bgurau stek snak!  (Ade Irwandy)

Yasrianto  
Tabang tinggi buruang marpati
Inggok di kayu rantiang mati
Usah di sasa untung diri
Cari nan lai parintang hati

Labek lah hujan tangah malam
Nak lamak lalok sampai Pagi
Tamanuang badan tangah malam

Dek ulah kasiah saparo jadi

Kok hujan.hujan kan bana
Nakka jaleh batuduang Kain
Kok indak.indak kan bana
Nak jaleh cari nan lain



Dan Jan lupo simak juo Carito Carituik Anak Minang